Attest d'indigens

In attest d'indigens legitimescha persunas che han lur scartiras ella destinaziun Flem Laax Falera. Cun quei attest profiteschan ins da rabats per l'utilisaziun dallas infrastructuras turisticas (pendicularas, Lag la Cauma, bus local etc.)

Persunas indigenas naven dil 6avel onn da veta ch'ein s'annunziai ferm ellas vischnauncas Flem, Laax ni Falera han il dretg da retrer in attest d'indigens. Cun la carta san ins far diever da differentas purschidas.

Num e prenum, datum da naschientscha sco era l'adressa annunziada ei necessaria. Plinavon sto ina fotografia da pass vegnir aschuntada tier la damonda digitala.

Per attest d'indigens pagan ins ina taxa d'elavuraziun da CHF 10.-. Quella vegn directamein pagada tier la damonda per in attest. Cuntegn las suandontas prestaziuns: controlla dalla damonda, producziun digl attest sco era la spediziun.

Igl attest ei valeivels 5 onns. Piarda denton la valeta tier la partenza dalla vischnaunca d'emissiun. Suenter spiraziun da quels 5 onns sto in niev attest cun fotografia actuala vegnir empustaus.

Per retscheiver gl’attest fa la persuna ina damonda online ni direct al spurtegl da sia vischnaunca da domicil. Ei vala gl’urari d’avertura dalla vischnaunca corrispundenta.

Duront ils temps d'avertura regulars dalla controlla da habitonts san ins empustar in attest d'indigens avon liug. Quel vegn silsuenter tarmess direct per posta. Per plascher prender cun ina fotografia da pass actuala.

Enteifer 10 luverdis suenter che gl’attest d’indigens ei pagaus, vegn el furnius culla posta.

Vossas datas restan arcunadas sin vies conto persunal e san mo en connex cun ina damonda vegnir vesidas dalla vischnaunca. La carta fisica vegn producida dalla vischnaunca Flem e per quei intent vegnan las suandontas datas transferidas: (Num, prenum, datum da naschientscha e fotografia da pass).

La connexiun digl attest d’indigens cun vies telefonin ei opziunala.

Ella destinaziun Flem Laax Falera vegnan naven dils 21-08-2024 negins attests d’indigens sin pupi confirmai pli cul bul usitau. Attests vegls ein valeivels tochen la data da scadenza. Ei savess denton esser che partenaris da prestaziuns pretendan eventualmein in attest niev avon il termin da scadenza digl vegl.

Sigl attest niev san ins cargar igl abonnament dallas pendicularas. Ulteriuras pusseivladads da duvrar el suondan ils proxims meins.

Nus recumandein da purtar adina cun Vus gl’attest – per exempel sch’igl accu da Vies telefonin ei vits ni sch’ei dat in auter problem tecnic. El bus local tonscha ei sche Vus musseis gl’attest digital sil wallet. Ei sa esser che partenaris da prestaziuns insistan da mussar gl’attest da pupi. El cass da controllas ston ins mussar ton gl’attest digital sco gl’attest sin pupi ensemen cun in document d’identitad ufficial.

Per reglas ed excepziuns pusseivlas cun profitar da prestaziuns a prezis reduci ein ils partenaris da prestaziuns responsabels.

Quei ei gia ussa pusseivel.

La data dalla valeivladad ei stampada sil frontispezi digl attestat e vala 5 onns naven dalla data d’emissiun.

Gl’attest san ins prolungir a moda digitala ella pagina www.einheimisch-ausweis.ch ni tier la vischnaunca che ha emess el.

Ins sa producir in attest da remplazzament. En cass d’atgna cuolpa ston ins pagar ina taxa d’elaboraziun. Ina annunzia da sperdita san ins far online sut www.einheimisch-ausweis.ch ni al spurtegl dalla vischnaunca.

Avon ch’igl attest scroda contactescha la vischnaunca d’emissiun Vus. Ella fa quei cun in avis cun e-mail. Sch’il document vegn buca prolungius suonda in avis cun posta cuort avon la data da scadenza.

Ins drova ina adressa dad e-mail. Quella sa esser tier in purschider giavischau. Era affons drovan in agen conto.

El sectur persunal dall‘adressa www.einheimisch-ausweis.ch san ins midar l’adressa dad e-mail deponida sco era il plaid-clav.

Communichei a Vossa vischnaunca da domicil la midada giavischada. Ils survetschs da habitonts vegnan sin quei ad adattar las datas e far in attestat niev.

Tgi che vul stizzar siu conto d'utilisader, duei scriver p.pl. in e-mail sut ausweis@einheimisch-ausweis.ch. Risguardei p.pl. che l'annullaziun ei irrevocabla e tut las datas ch'ein colligiadas cun quella van a perder. Sche Vus mideis vossa decisiun, stueis vus far in niev conto. L'annullaziun da vies conto d'utilisader po caschunar restricziuns tier ils partenaris.

Annunziai Vossa partenza sco usitau als survetschs dils habitonts. Per cass che Vus banduneis la destinaziun Flem Laax Falera, vegn Vies attest d’indigens ed il status annullaus. Sche Vus prendeis domicil en ina vischnaunca da partenadi dalla destinaziun, vegn Vossa damonda surdada automaticamein alla vischnaunca nova. Quella producescha senza cuosts in attest niev e tarmetta quel a Vus.

El cass d’ina midada da domicil enteifer la destinaziun survegnis Vus gratuitamein in niev attest.

La taxa d’elaboraziun scroda el cass che Vus mideis domicil enteifer las vischnauncas dalla destinaziun.

Cun annunziar la partenza alla vischnaunca vegn il status digl attest midaus automaticamein. Gl’attest ei da dar giu alla vischnaunca che ha emess el.

Mideis Vus domicil enteifer la medema vischnaunca, saveis Vus communicar la midada d’adressa als survetschs dils habitonts. Quella vegn a far la mutaziun per Vus.